الثلاثاء، 25 مايو، 2010

مستندات خطيرة تكشف فضيحة التلاعب في علاوة الرئيس في بتروتريد

وصلتني مستندات خطيرة من بعض العاملين بشركة بتروتريد تكشف تلاعب ادارة الشركة في العلاوة التي أقرها رئيس الجمهورية وهو ما يخالف القانون
و توضح الفرق الشاسع بين العلاوة الشهرية الخاصة في القانون الذي أقرَّه مجلس الشعب وبين تلك التي يحصل عليها العمال.
حيث أقرت العلاوة زيادة وقدرها 20 % من الاجر الاساسي في سنة 2005 و وذلك بحد أدنى 30 جنيه
كما يظهر في المستند الاول حيث تم رسم دوائر سوداء حول الارقام للتوضيح

كما أقرت العلاوة زيادة وقدرها 10% من الاجر الاساسي في سنة 2006 وذلك بحد ادنى 36 جنيه
كما يظهر في المستند الثاني
ويظهر في المستند الثالث وهو عبارة عن ايصال استلام المرتب التلاعب في العلاوة حيث يتم صرفها دون الحد الادنى المنصوص عليه في القانون وتم رسم دوائر حمراء حول البنود المذكورة
اما المستند الرابع فهو ايصال استلام المرتب لأحد العاملين على اللائحة القديمة وتظهر فيه العلاوة والتي تم منحها كاملة له وستجدون تفاوت كبير في العلاوة الممنوحة للمعين على اللائحة القديمة وزميله المعين على اللائحة الجديدة

اما عمال المكافاة الشاملة فلهم الله لانه لا يوجد ايصالات استلام للمرتب لهم تكشف الخصومات والعلاوات ...الخ ولذلك نرجو من جميع العاملين جمع توقيعات من بعضهم وتقديم بلاغات للجهات الرقابية لمعرفة مصير العلاوة التي أقرها الرئيس وكل ذلك
استمرارًا لمسلسل الفساد وهضم حقوق العمال في شركة بتروتريد



السبت، 15 مايو، 2010

المال السايب في بتروتريد








على راي المثل ملقوش العيش الحاف ياكلوه جابوا كلب وربوه

وفيق زغلول اللي كل شوية يقعد يقول أجيب لكم فلوس منين في عهد سيادته

أصبحت شركة بتروتريد أحد رعاة بطولة اسكواش بمنتجع سكاي

وزي ما انتم شايفين شعار بتروتريد موجود في الشعار بتاع البطولة وعليه دائرة حمراء طبعا انا عملها عشان تشوف العلم وهو بيرفرف

الناس في الشركة لسه خارجين من اضراب عشان بيطالبوا بزيادة الاجور ووفيق رايح يرعي ويصرف على بطولة اسكواش

طيب مش لما نعرف الاول يعني ايه اسكواش ؟؟

اكيد عشان وفيق متثبت على اللائحة القديمة بالاف الجنيهات وبيروح يصيف في منتجعات وعنده اكيد ملعب اسكواش

رايح يصرف على البطولة

طيب اصرف فلوسنا في حاجة احنا بنفهم فيها يعني مثلا دورة في الكرة الشراب ودة طبعا لاننا موظفين غلابة منعرفش المنتجعات ولا الاسكواش بتاعك

احنا يدوبك الاعانة اللي بناخدها من الشركة بتكفي ايجار شقتنا في المنطقة العشوائية او في مقابر الغفير

اللي عايز يصرف ؛ يروح يصرف من جيبه مش من فلوس شركتنا اللي مش بتكفي اي حاجة

مش كان الاولى الفلوس دي تتصرف في زيادة المرتبات على المحصلين الغلابة

وطبعا اكيد لحكمة السيد رئيس الشركة اللي بيعرف كل حاجة وبيفهم في كل حاجة وبيعمل من دماغه اللي هو شايفه

اما احنا المغفلين اللي مش بنفهم لا نستحق ان يأخذ راينا في اي حاجة

مش هاقدراقول اكتر من كدة عشان انا اتحرق دم أمي

مضطر انزل اقيس الضغط

وكلمة اخيرة لعمال بتروتريد لكم الله انتم شهداء عهد وفيق زغلول

واكيد لازم الثورة تقوم والناس تضرب عن العمل تاني لان ادارة زي دي مش ممكن يكمل معها الموظفين ابدا

اقالة وفيق زغلول هي الحل


الثلاثاء، 11 مايو، 2010

مستندات جديدة تكشف الفساد والتفرقة والظلم داخل بتروتريد

موظف يعمل في بتروتريد وصل أجره الاساسي ل800 جنيه ياترى كام واحد دخل معاه الشركة
ومش بياخد ربع أجره الاساسي
ياسلام أجر اساسي يتجاوز 400 جنيه ليه يعني امال دكتور الجامعة ياخد كام ؟؟!!!




ودة موظف تاني من المعينيين على اللائحة القديمة فعلا هي دي بلد العدالة والمساواة
نيجي بقى للضحايا اللي بيخدوا الملاليم عشان ملهمش واسطة في بلد الفساد والمحسوبية
ودة كمان برنت تاميني بيكشف عن تدني الاجر الاساسي للمعينيين الجدد رغم أحقيتهم في
الحصول على أجر عادل مثل العاملين معهم من المعينيين على اللائحة القديمة

حصل عمال شركة بتروتريد على مستندات جديدة تكشف التفاوت الكبير في الاجور بين العاملين داخل الشركة والفساد في التعيين والذي وصل للتفاوت في الاجر الاساسي بين العاملين داخل الشركة الواحدة رغم حصولهم على نفس المؤهل وتعيينهم في نفس تاريخ تعيين زملاءهم

وقد تم تقديم تلك المستندات للمحكمة بناء على الدعوى المرفوعة من عمال الشركة ضد ادارة الشركة

ويظهر في البرنتات التامينية (ايصالات اثبات الموقف التاميني) التجاوزات حيث يظهر في تفاوت الاجر الاساسي في الثلاث برنتات الاولى اما الباقي فيظهر ضعف الاجر الاساسي رغم نفس تاريخ التعيين في الوظيفة ونفس المؤهل
.

الاثنين، 3 مايو، 2010

صوv مظاهرة وتكريم عمال بتروتريد‏

بداية المظاهرة بالهتاف ضد وفيق زغلول وأتباعه

طبعا انتم عارفين من هما مفترسي بتروتريد (العصابة )

تكريم من نقابة الصحفيين لعمال بتروتريد على نضالهم من أجل حقوقهم
قام بتسليم شهادة التقدير محمد عبد القدوس وكيل النقابة وامين لجنة الحريات
وهو ابن الكاتب الصحفي احسان عبد القدوس وحفيد فاطمة اليوسف (روزا اليوسف)
واول من يستحق هذا الاهداء والتقدير والتكريم هما عمال بتروتريد طنطا الابطال
ويليهم مناطق المنصورة واسكندرية وكل الشرفاء في مناطق الشركة الراغبين في الاصلاح

محمد زكي يتحدث عن فساد مجلس ادارة بتروتريد اللي فاكرين نفسهم
أصحاب الشركة ونسوا انهم مجرد موظفين في خدمة عمال الشركة