الاثنين، 30 مايو، 2011

لا تعليق !!

رسالة من الاخ والصديق أحمد ماهر بعد قرار انسحابي من حركة 6 ابريل ونصها ( تصدق ان عيب لما 6 ابريل هى اللي تقف جنبك وانت اللى تبيعها بالمنظر ده ) ولا تعليق !!

الأحد، 29 مايو، 2011

أسباب انسحابي من حركة شباب 6 ابريل

انا واحمد ماهر كنا معتقلين مع بعض ومحدش ينكر دوره التاريخي و النضالي من قبل الثورة وكم التضحيات اللي دفعها من أجل الوطن وان في ناس كتير حاربوه عشان يسيطروا على الحركة زي ضياء الصاوي وأمثاله

لكن انا كان ليه تحفظات من قبل دخولي الحركة بسبب عدم وجود تداول لمنصب المنسق العام وهو ما يعني تكريس السلطة في يد شخص واحد وهو عكس ما نطالب بيه السلطة من تغيير وتداول ولكن حرصا على مصلحة الوطن تم تجاوز تلك الامور وذلك من أجل هدف أسمى وهو النضال ضد الظلم والقهر لكن ظروف أحمد الاسرية وانشغاله الدائم بعمله

وفي نفس الوقت شباب تانية كتير انشط منه زي محمد عادل وامل شرف وانجي وغيرهم رغم انهم أصبحوا كوادر مؤهلين للعب دور أكبر الا أن الحركة بسبب سيطرة أحمد على المنصب خسرت كتير من دورها وحدث بها كثير من الانشقاقات

و رصيد الحركة كل يوم بينفذ وخصوصا مع وجود أحزاب جديدة والسبب في تمسكه بالمنصب فتشوا عن الشو الاعلامي والسفريات

ممكن احمد ماهر يكون الزعيم التاريخي للحركة ويترك الفرصة لشخص اخر ودماء جديدة وخصوصا اننا أعضاء في حركة شبابية

مش هاكذب عليكم انا زعلان اني بقول الكلام دة لانه هايعمل شرخ بين الاخوة والاصدقاء ومكنتش احب انشره على الملاء وفي العلن لكن المحاولات لحل المشاكل بيننا وبين بعض مش جايبه نتيجة اتمنى كلامي يكون محاولة اصلاحية

والاهم يكون في دور أكبر للجنود المجهولين وأقصد منسقين المحافظات من حقهم تدوير المنصب والسفر للخارج وأخذ فرصتهم من الظهور الاعلامي

مش هو دة أحمد ماهر اللي انا اعرفه من زمان واعتقلت معاه

مش هو دة أحمد ماهر اللي كانت الناس كلها بتقول عليه ابن ناس وبتحلف باخلاقه

اما طريقي فانا اخترت العمل السياسي كمستقل أو من خلال أحد الاحزاب مع تمنياتي للجميع بالتوفيق