الأربعاء، 21 أكتوبر، 2009

الخناقات داخل بتروتريد تصل الى اقسام الشرطة

قامت امس مشادة عنيفة بين المدعو محمد بكر مدير ادارة القراءات وسامح ادريس مشرف الخدمات في منطقة العباسية بدات المشاجرة بوصول سامح متاخرا 3 دقائق يليها وصلة من السباب والشتائم من محمد بكر المدير اسفرت عن تحرير سامح محضر سب وقذف في قسم شرطة الظاهر ضد محمد بكر المدير خاصة ان المدير اعتاد اهانة العاملين بدون مبرر كما ان سامح اضطر لعمل محضر بسبب حفظ كافة المذكرات والالتماسات التى تقدم بها للادارة لمحاسبة المدير سليط اللسان يحث ان الشركة لم تقف بجانب عامل الخدمات البسيط رغم انه مظلوم مما دعاه الى تحرير محضر من اجل الحفاظ على حقة بعد ان تخلت عنه الشركة
وليكون ذلك درسا لكافة العاملين لحفظ حقوقهم في مواجهة تساهل الادارة

الثلاثاء، 20 أكتوبر، 2009

اين انت يا وفيق ؟؟؟؟!!!!!!!!!


ايه اللي هايحصل لو وفيق زغلول قرر يوم انه يتخلى عن البدل والكرافتات ويلبس قميص وبنطلون عادي ونظارة شمس يخفى بيها وشة ويتنكر عشان يشوف اوضاع الشركة ويزور المناطق بدون الهيلمان اللي بيعمله يصحى الصبح ياخد تاكسي من امام بيته وينزل على اي منطقة يشوف الموظفين وهما واقفين مش لاقيين كرسي او اللي جايين يناموا او المديريين اللي ماسكين التليفون من اول ما بيجوا لغيت اما بيمشوا دة لو كل يوم راح منطقة يزورها ويعرف من العاملين مشاكلهم هاتتحل المشاكل في ايام لكن للاسف هو طبعا بيقوم من النوم متاخر وبعدين عايز شوية تعظيم سلام من الموظفين في المركزية وعايز يركب العربية الشيك بتعته وخلي اللي من غير كرسي يولع بجاز هو احنا خلفنهاهم ونسيناهم

السؤال اللي بيطرح نفسة
س/ ياترى ايه مؤهلات وفيق زغلول العلمية ؟
يعني هل هو حاصل على درجة الدكتوراة من احد الجامعات الاوربية او الامريكية
ولا يا ترى حول شركة بتروتريد لصرح عالمي في قطاع البترول تنافس موبيل وشل العالمية
ياترى ايه مؤهلاته اللي تخليه ياخد مرتب مش بيخدة دكتور في الجامعة او خبير في الادارة .

الجواب وببساطة ان صك الغفران وجواز المرور لتولى رئاسة مجلس الادارة هو شحن العاملين في اتوبيسات لتشجيع فربق انبي وصرف الاف الجنيهات في تاجير الاتوبيسات ومش مشكلة في اهدار المال العام ومش مشكلة العاملين مش لاقيين كراسي ومش مشكلة اننا في بلد 42% من سكانها تحت خط الفقر ومحتاجين الفلوس اللي بتترمي في الارض او بتروح على تشجيع فريق الكورة

قال عمر أبن الخطاب رضي الله عنه "والله لو تعثرت دابة في العراق لسؤلت عنها"